🌙 Waqia Karbala – Sabr, Shaadat aur Haq Ki Jeet
🌙 Waqia Karbala – Sabr, Shaadat aur Haq Ki Jeet Ek Emotional Blog Jo Dil Ko Jhunjhor Kar Rakh De 🌸 Assalamualaikum Mere Pyare Readers! Main, Nimra Ramzan, aik baar phir aapki khidmat mein hazir hoon — kuch dino baad, lekin dil mein uthti hui ek aisi aag ke sath jo har zulm ke khilaf hai, har haq ke saath hai. Aaj ka blog kisi aam kahani ka zikar nahi... Yeh Waqia Karbala ka woh dardnaak, lekin roohani roshni se bhara safar hai — jahan pyaas bhi thi, zulm bhi tha, lekin sabr, wafa aur haq sabse barh kar tha. 🌞 Karbala Ka Safar: Haq Ka Ailan 61 Hijri mein, Imam Hussain (RA) , jo Rasool Allah ï·º ke nawasey the, ne Yazeed ki bayad se inkar kiya. Yazeed ek zalim hukmaran tha — uski hukumat Islam ke asal usoolon ke khilaf thi. Imam Hussain (RA) ne Madina se Makkah, phir Iraq ke Karbala ke rukh kiya — jahan 10 Muharram ko unki zindagi ka aakhri din likha gaya. 💔 Zulm Ki Inteha – Pani Ka Band Hona 7 Muharram ko Yazeed ki fauj ne Imam Hussain (RA) aur unke 72 saathi aur ghar walon par ...